-
गीतामृत २ हे पुस्तक भगवद्गीतेच्या दुसऱ्या अध्यायाचा उर्वरित श्लोकांचा अमूल्य साठा आहे. या पुस्तकात भगवान श्रीकृष्ण अर्जुनाला संक्षिप्त रूपात गीतेच्या सर्व विषयांचे ज्ञान प्रदान करीत आहेत. निष्काम कर्मयोग, स्थितप्रज्ञ व्यक्तीची लक्षणे, वेदांची अलंकारिक भाषा, एकाग्र बुद्धीचे लाभ, प्रकृतीचे तीन गुण, भक्तिमय सेवेद्वारे भगवद्धाम प्राप्ती अशा अनेक विषयांवर उदाहरणांद्वारे चर्चा या पुस्तकात केलेली आहे. अर्जुन समाधिस्थ व्यक्तीची लक्षणे विचारतो त्यावेळी भगवंतांनी दिलेले उत्तर आपल्यासाठी एक परिक्षेचे कार्य करू शकते. स्थिर चित्त होण्यासाठी भगवंतांनी या पुस्तकात सांगितलेले उपाय जर आपण आपल्या जीवनात आत्मसात केले तर आपण गीतेत सांगितलेला परम आनंद निश्चितच प्राप्त करू शकू. प्रबळ मनाला नियंत्रित करण्याचा उपाय देखील भगवंत गीतेच्या या भागात सांगतात. पतनाची शृंखला आणि त्यापासून रक्षण करण्याचा उपाय सांगून भगवंत दुसऱ्या अध्यायात सुख प्राप्त करण्याच्या मार्गाचे वर्णन करीत आहेत. आध्यात्मिक जीवनात स्थिर राहण्यासाठी भगवंत सागराचे उदाहरण या पुस्तकात देत आहे. गीतेच्या वाचकासाठी हा अनमोल खजिना नक्कीच भरभरून समृद्धी प्रदान करेन. -
शुभ विलास लिखित 'रामायण : खेळ जीवनसंचिताचा’ या मालिकेतील 'विशाल ध्येय तरच विजय' हे सहावे पुस्तक आहे. या पुस्तकात वाल्मीकी रामायणातील युद्धकांडाचा आशय आधुनिक पद्धतीने प्रस्तुत केला आहे. सीतेच्या सुटकेसाठी प्रभू रामांनी केलेल्या प्रयत्नांची आणि त्या महान ध्येयपूर्तीत त्यांना मदत करणाऱ्या अनेक सहकाऱ्यांच्या योगदानाची प्रेरणादायी कथा या पुस्तकात उलगडते. राम, लक्ष्मण, हनुमान, सुग्रीव, विभीषण यांसारख्या पात्रांच्या धैर्य, निष्ठा, नेतृत्व आणि सामूहिक प्रयत्नांच्या माध्यमातून मोठे ध्येय साध्य करण्याची प्रेरणा वाचकांना या पुस्तकातून मिळते. हे पुस्तक व्यक्तिमत्त्व विकास, आत्मविश्वास आणि ध्येयप्राप्ती यांचे प्रभावी मार्गदर्शन करण्याबरोबरच, आपल्या मर्यादांना पार करून स्वप्नपूर्ती करण्यासाठी प्रगतिशील दृष्टिकोन प्रदान करते. ठळक वैशिष्ट्ये 1. सामूहिक प्रयत्न, नेतृत्व आणि सहकार्य यांचे महत्त्व स्पष्ट करणारे पुस्तक. 2. जीवनातील आव्हानांना सामोरे जाण्यासाठी आत्मविश्वास जागृत करणारे पुस्तक. 3. विजयामागील सामूहिक प्रयत्नांची शक्ती प्रभावीपणे दाखवणारी कथा. 4. तरुण पिढीला ध्येय निश्चित करून त्यासाठी परिश्रम करण्याची प्रेरणा देणारे पुस्तक. -
यमुना नदीचे जीवनस्वरूप असलेले भगवान श्रीकृष्ण तिच्या पाण्यात उड्यामारून, खेळ खेळून खूप आनंद अनुभवतात. (यमुना जीवन केली परायण) ज्याप्रमाणे चकोर पक्षी केवळ चंद्रप्रकाशाकडेच पाहात राहतो, त्याचप्रमाणे चकोरासारख्या गोपीही फक्त चंद्रासारख्या श्रीकृष्णचंद्राकडे पाहात राहतात (मानस-चंद्र-चकोर) श्रील भक्तिविनोद ठाकूर विनंती करतात, 'आता भगवंतांच्या या वेगवेगळ्या नामांचा जप कर! हे माझ्या प्रिय मना! कृपया माझ्या शब्दांचे गांभीर्याने पालन कर! नाकारू नको! श्रीकृष्णांच्या अमृतरूपी पवित्र नामांचा अखंड जप करीत राहा!' (श्रील प्रभुपादांच्या 'विभावरी शेष' च्या तात्पर्यावर आधारित) -
रामायण ही केवळ एक कथा नाही. ही एक जीवनशैली आहे. हा एक जीवनसंचिताचा खेळ आहे. एका हंगामात काहीही शक्तिशाली असले, तरी पुढच्या हंगामात ते तसे राहत नाही, याचे जीवन सतत स्मरण करून देत असते. बदलाचे हे अंतहीन चक्र वास्तविकतेला सामोरे जाण्यास तयार नसलेल्या व्यक्तीला खरोखर घाबरवू शकते. लक्षात ठेवा की, असाहाय्यतेची परिस्थिती नेहमी स्वतःच्या मर्यादित कल्पनेने तयार केली जाते. ● भान वास्तवापेक्षा मोठे दिसते. अनेकांना लंकावासीयांशी युद्ध करण्याची भीती वाटत होती; परंतु प्रत्यक्षात राम आणि त्यांच्या सैन्याने सीतेला मुक्त करण्यात यश मिळवले. @ भीतीमुळे वेदना होतात. तुटलेल्या आणि जखमी अवस्थेत, संपातीला प्रत्यक्ष कृती करेपर्यंत विश्वास नव्हता की, तो मदत करू शकेल; मात्र त्याने कृती केली आणि त्यामुळे सगळा बदल झाला. ● स्पष्टतेमुळे स्वातंत्र्य मिळते. राम मनाने कमकुवत होऊन कधीही डगमगले नाहीत आणि शेवटी त्यांना जे हवे होते तेच मिळाले. तुमच्या भीतीला तोंड देण्याचे धैर्य तुमच्यामध्ये आहे का? 'खंबीर राहा' हे 'रामायण खेळ जीवनसंचिताचा' मालिकेतील चौथे पुस्तक आहे. वाल्मीकीच्या महाकाव्यातील किष्किंधा कांडाचे आधुनिक रूप वाली आणि सुग्रीव बंधूंच्या दुखद कथेद्वारे आपल्याला आठवण करून देते की, जीवन हे एका धोकादायक खजिन्याच्या शोधासारखे आहे. अत्यावश्यक शहाणपण मिळविण्यासाठी गोंधळात टाकणाऱ्या, वाकड्या तिकड्या मार्गावरून धावताना एखाद्याने लवचीक असले पाहिजे. पौराणिक कादंबरी -
रामायण ही केवळ एक कथा नाही. ही एक जीवनशैली आहे. हा एक जीवनसंचिताचा खेळ आहे. चांगल्या खेळात क्षणोक्षणी आव्हाने आणि अनिश्चितता असते. हे महाकाव्य आपल्या जीवनातील आव्हानांना पैलण्यासाठी अनेक महत्त्वाची साधने प्रस्तुत करते. जीवनातील सर्वांत कठीण प्रसंगांशी धैर्याने दोन हात करणारा धाडसी योद्धा बनविणारे धडे या पुस्तकात आहेत. जीवनाच्या या खेळात आपण सर्व जण पुढील तीनपैकी एका श्रेणीत मोडतो. * सकारात्मक साहाय्यक - विश्वामित्रांसारखे ऋषी समाजात सकारात्मक दृष्टीने योगदान देण्यासाठी प्रयत्नशील असतात. * नकारात्मक विध्वंसक - मारीच आणि सुबाहू यांसारखे राक्षसी प्रवृत्तीचे लोक नकारात्मक विनाशाचे मायाजाल पसरवतात. * संरक्षक मध्यस्थ - राम आणि लक्ष्मण यांसारखे लोक सकारात्मक गोष्टी प्रदूषित होऊ नयेत यासाठी अथक परिश्रम घेत असतात. तर या खेळामध्ये तुम्हाला कोणती भूमिका पार पाडायची आहे? सूर्यवंशी राजपुत्राचा उदय हे रामायण खेळ जीवनसंचिताचा या पुस्तकमालिकेतील पहिले पुस्तक आहे. वाल्मीकी रचित महाकाव्याच्या बालकांडावर आधारित आधुनिक कथन असलेले हे पुस्तक, जीवनाच्या वास्तवाचे दर्शन घडवते; तसेच बुद्धीला चालना देणाऱ्या शिकवणींना प्रस्तुत करते. अभ्यासू लेखक शुभ विलास या पुस्तकात आजच्या आधुनिक जगाच्या अनुषंगाने अमर जीवनमूल्ये स्पष्ट करत आहेत. -
गीतामृत २ भाग १ हे पुस्तक भगवद्गीतेच्या दुसऱ्या अध्यायावर आधारित आहे. यात प्रत्येक श्लोकाचा गूढ अर्थ हा प्रवाहासारखा प्रस्तुत केला आहे. प्रत्येक श्लोक कसा एकमेकांमध्ये गुंफलेला आहे हे आपल्याला या पुस्तकातून समजते. प्रत्येक श्लोक समजावू सांगताना प्रस्तु केलेली अनेक उदाहरणे या गुंफलेल्या हाराचे सौंदर्य आणखीनच वाढवते. ही उदाहरणे त्या श्लोकाचा अर्थ रंजकरीतीने तर सांगतातच; पण आपल्या दैनंदिन जीवनात त्या श्लोकाला कसे आत्मसात करावे याचेही प्रबोधन करतात. यामुळे भगवंतांच्या मुखातून उद्गम पावलेली ही वचने अधिकच रोचक आणि निमग्न करणारी ठरतात. दुसऱ्या अध्यायात भगवान श्रीकृष्ण आत्मा आणि शरीराची गुणधर्मे अर्जुनाला समजावून सांगतात त्यावेळी बाह्यदृष्टीने एकच गोष्ट वारंवार सांगितल्यासारखे वाटते. तथापि, जेव्हा आपण खोलवर जाऊन दोन श्लोकांमधील गूढ अर्थ बघतो, तेव्हा आपल्यापुढे त्याच गोष्टींचा अर्थ विलक्षण पद्धतीने उलगडतो आणि हा अनुभव अद्भुत प्रेरणादायी ठरतो. जेवढे अधिक आपण या पुस्तकाचे वाचन करू तेवढा अधिक आपल्याला गीतेचा गूढ अर्थ समजेल. भगवद्गीतेचे अमृत ज्ञान गीतामृत २ भाग १ या पुस्तकाद्वारे प्रस्तुत करताना आम्हाला अतिशय आनंद होत आहे. -
रामायण - खेळ जीवनसंचिताचा या मालिकेतील धैर्याचे फळ हे तिसरे पुस्तक आहे. हे पुस्तक वाल्मीकींच्या महाकाव्याच्या अरण्यकांडावर आधारित आधुनिक कथन आहे. यात धैर्याचे मधुर फळ प्राप्त कसे करावे, याचे वर्णन आहे. सत्ता आणि लोभ यांचे जीवनातील क्लिष्ट जाळे, या आधुनिक जगातील आपला संभ्रम आणि या सर्वांवर विजय प्राप्त करण्यासाठी लागणारे शहाणपण या पुस्तकातून ओसंडून वाहत आहे. -
रामायण - खेळ जीवनसंचिताचा या मालिकेतील परिवर्तनाचे स्वागत हे दुसरे पुस्तक आहे. हे पुस्तक वाल्मीकींच्या महाकाव्यातील अयोध्याकांडावर आधारित आधुनिक कथन आहे. नशिबाचे पारडे फिरल्यावर काय करावे, याविषयी या पुस्तकात सांगितलेले आहे. मानवी संबंध आणि व्यवहाराचे गूढ नियम काय करावे, काय करू नये आणि या क्लिष्ट कोड्यातून कसा सुखरूप प्रवास करावा, याचे विस्तृत वर्णन लेखक शुभ विलास प्रस्तुत करीत आहेत. -
आपल्या गौडीय वैष्णव दिनदरिकिनुसार काही तिथीना वैष्णवांचा अविर्भाव अथवा तिरोभाव यांचा उल्लेख असतो. तसेच काही तिथींना पवित्र उत्सवांचा उल्लेख असतो तर काही तिथीना स्थान महात्म्यही असते. आपण रोज ज्यावेळी या तिथी पाहतो, ऐकतो, त्यावेळी त्यात उल्लेखिलेल्या वैष्णव आचार्यांचे, उत्सवांचे तसेच स्थान महात्म्याचे स्मरण करतो तसेच श्रवण करतो. परंतु सर्वच तिथींची संपूर्ण माहिती सर्व सामान्य भक्तांना असतेच असे नाही. आपणास स्थूलमानाने काही माहिती मिळते तीही इंग्रजी अथवा हिंदीमधून. वास्तविक वैष्णवांसाठी सर्वच तिथी महत्वाच्या आहेत. त्याचे वाचन, श्रवण अथवा मनन होणे आवश्यक आहे. यासाठी "वैष्णव तिथि महात्म्य" पुस्तकाचे आम्ही संकलन केले आहे, ज्यायोगे आपणास सर्व माहिती एकत्रितपणे उपलब्ध होऊ शकेल. यामध्ये अद्वैत आचार्यापासून ते झुलन यात्रेपर्यंतची (ए टू झेड) सर्व माहिती समाविष्ट करण्यात आली आहे. आशा आहे वाचक याचा यथोचित लाभ घेतील. -
गीतामृत १ हे पुस्तक म्हणजे भगवद्गीतेच्या अभ्यासासाठी एक मौल्यवान हिरा आहे. या पुस्तकाची वैशिष्ट्ये असे की भगवद्गीतेचा पद्धतशीर अभ्यास करताना हे पुस्तक एक मार्गदर्शक ठरेल. भगवान श्रीकृष्ण आणि अर्जुनाची अनेक नावे आहेत. संजयाने आणि अर्जुनाने या श्लोकांमधून भगवंतांची वेगवेगळी नावे घेतलेली आहेत. त्यांनी त्या श्लोकात भगवंतांचे तेच नाव का घेतले याचे सुंदर स्पष्टीकरण या पुस्तकात आढळते. प्रत्येक श्लोकाचा विस्तृत अर्थ सर्वसामान्यांना कळेल अशा सोप्या भाषेत समजावून सांगितलेला आहे. मी गेल्या काही महिन्यांपासून एक स्त्रोत शोधत होतो ज्यामुळे मला भगवद्गीतेच्या ज्ञानाचे अधिक सखोल निरुपण मिळेल. श्रीकृष्णांच्या कृपेने माझ्या प्रार्थनांचे उत्तर मिळाले. तो भावग्राही आहे. माझ्या प्रश्नांचे उत्तर श्रीमान शिक्षाष्टकम् प्रभूंच्या गीतामृत १ पुस्तकात मिळाले. प्रत्येक श्लोकाच्या अमृतमय प्रवाहात त्याचा अर्थ सहज सोप्या भाषेत सांगितलेला आहे. त्याचे वर्णन करण्यासाठी माझ्याकडे पुरेसे शब्द नाहीत. हा गीतामृतरूपी खजिना वाचून आस्वादन घेताना मी धन्य झालो. या पुस्तकासाठी मी प्रभूंजीना शतशः धन्यवाद देतो. -
डिजिटल युगामध्ये तंत्रज्ञान फारच व्यापक झालं आहे. हे पुस्तक वाचकांना एकाग्रता व डिजिटल जीवनामध्ये स्वनियंत्रण मिळवण्यासाठी दिशा देईल. - आर्थी सुब्रमनियम टाटा सन्सचे समूह प्रमुख डिजिटल ऑफिसर. 'द आर्ट ऑफ फोकस' हे पुस्तक आपल्याला अंतरंगाच्या प्रवासाला घेऊन जाते. आपल्याला जीवनाचा खरा अर्थ समजायला मदत करते. जेव्हा एखादी व्यक्ती हा अर्थ अंतरंगातून जाणून घेते तेव्हाच ती बाह्य जगामध्ये परिवर्तन आणू शकते. - आदित्य नटराज, पिरामल फाऊंडेशनचे सीईओ - 'द आर्ट ऑफ फोकस' हे पुस्तक फक्त आपल्याला मानसिक स्वास्थाविषयी प्रशिक्षितच करत नाही तर त्याही पलीकडे जाऊन आपल्याला आध्यात्मिक स्वास्थ्यावर एकाग्रता करण्यासाठी प्रेरितही करते. - संगीता रेड्डी, अपोलो हॉस्पिटल ग्रुपच्या सह व्यवस्थापकीय संचालक - 'द आर्ट ऑफ फोकस' हे पुस्तक तीन पुस्तकांच्या मालिकेतील दुसरं पुस्तक आहे. अतिशय प्रभावी अशा ४५ कथांच्या माध्यमातून वाचकांना त्यांच्या जीवनामध्ये उपयोगी पडतील असे मानवी गुण यामधून व्यक्त केले आहेत. याच मालिकेतील पहिलं पुस्तक 'आर्ट ऑफ रेझिलियन्स' म्हणजेच लवचीकता. या पुस्तकाने कोव्हीड १९ च्या काळात निर्माण झालेल्या आव्हानात्मक परिस्थितीमध्ये लोकांना लवचीकतेच्या आधारे मार्ग काढण्यासाठी प्रेरित केलं. 'द आर्ट ऑफ फोकस' हे पुस्तकही एकाग्रतेच्या माध्यमातून मनाला एक नवी उभारी देते. हे पुस्तक लोकांना त्यांच्या जीवनातील जबाबदाऱ्या पार पाडण्यास व आयुष्यावर नियंत्रण मिळवण्यासाठी नक्कीच मदत करेल.
